Спортшы Sports.kz сайтына берген сұхбатында елге көбіне өз бастамасымен келіп жүргенін жасырмады. Кейде алдын ала келісіммен де сапарлайды.
«Жұмыс ұсынған жоқ, әзірге тек әңгіме деңгейінде», – деді Жиров.
Соңғы жарты жыл бойы іссапарда жүрген Олимпиада жүлдегері қазақстандық боксшылардың барлық жекпе-жектерін көре алмағанымен, жалпыкомандалық табысты «біздің жігіттердің үлкен құлшынысымен» байланыстырды.
Ерлер құрамасының Өзбекстаннан ұтылуына тоқталған ол «функционалдық дайындығы мен технико-тактикалық жұмысты күшейту қажет» екенін алға тартты.
«Боксшылар кез келген стильге дайын болуы тиіс және қарсылас қандай тәсіл ұсынса да, өз тактикасы мен техникасын өткізе білуі қажет», – деді Василий Жиров.
Қазір ол Дубайда жұмыс істеп жүр. Спортшы алдағы уақытта Қазақстан боксының дамуына үлес қосуға әзір екенін жеткізді.
Айта кетейік, Василий Жиров – 1996 жылғы Атланта Олимпиадасының чемпионы, Вэла Баркера кубогының иегері; әуесқойда әлем және Азия чемпионаттарының, Азия ойындарының жүлдегері; кәсіпқойда IBF нұсқасы бойынша әлем чемпионы атағын иеленіп, белбеуді шамамен төрт жыл қорғаған.
Еске салайық, 2017 жылы Қазақстан боксының жарық жұлдызы Василий Жиров ислам дінін қабылдады деген ақпарат тараған болатын.