Би-би-сидің жазуынша, 43 жастағы Оливье Рошетт сейсенбі күні көз жұмды, оны сахнада көтергіш құрылғы басып қалған.
Рошетт техникалық жұмысшы болып еңбек еткен, ол Сан-Францискода өтетін Luzia спектакліне сахнаны безендіріп жүрген. «Оливье біздің сүйікті әріптесіміз және кішігірім жанұямыздың бір мүшесі еді», - деді Cirque du Soleil атқарушы директоры Дэниел Ламарр.
Айта кетейік, 2013 жылы Лас-Вегастағы шоу кезінде 28 метр биіктіктен құлаған Сара Гийяр-Гийо қаза тапқан еді. Ол кезде қауіпсіздік белдігі өз функциясын атқармай қалған болатын. Циркке айыппұл салынды.
Cirque du Soleil 1984 жылы Канадада құрылған.