АСТАНА. ҚазАқпарат - Грекияның Афина қаласында джиу-джитсудан жастар арасында өтіп жатқан әлем чемпионатын қазақ спортшылары жеңіспен бастады, деп хабарлайды ҚазАқпарат тілшісі.
Жарыстың алғашқы күні жеті спортшымыз сынға түсіп, төртеуі жүлдегер атанды. Оның біреуі күміс, үшеуі қола медаль иеленді.
Күмісті Дәурен Айтенов жеңіп алса, үш қола медальға Дархан Нортаев, Жандос Нұрмұханбетов және Владислав Мухоротов қол жеткізді.
Ертең ұлттық құрамадан 11 спортшы файтинг және неваза түрлері бойынша сынға түседі.
Бұл додада әлемнің 45 елінен келген ең таңдаулы спортшылар бақ сынап жатыр. Оның ішінде Қазақстан намысын 41 спортшы қорғауда.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.