17:57, 12 Наурыз 2019

Дзюдо: Қазақстан құрамасы кезекті «Grand Slam» турниріне қатысады

АСТАНА. ҚазАқпарат - Дзюдодан Қазақстан ұлттық құрамасы Ресейдің Екатеринбург қаласында 15-17 наурызда өтетін «Grand Slam» турниріне қатысады, деп хабарлайды ҚазАқпарат тілшісі.

Қазақстан дзюдо федерациясы хабарлағанындай, айтулы додада 48 елден 403 дзюдошы бақ сынамақшы.

Қазақстан сапында 20 спортшы ел намысын қорғайды.

Атап айтқанда, ерлер:

Елдос Сметов (-60 кг),

Ғұсман Қырғызбаев (-60 кг),

Елдос Жұмақанов (-66 кг),

Есет Қуанов (-66 кг),

Мадияр Сембаев (-73 кг),

Бекәділ Шаймерденов (-73 кг),

Бекжан Абдуалиев (-81 кг),

Руслан Мұсаев (-81 кг),

Ислам Бозбаев (-90 кг),

Виктор Демьяненко (-100 кг),

Ерасыл Қажыбаев ( 100 кг).

Әйелдер:

Ақмарал Науатбек (-48 кг),

Севара Нишанбаева (-57 кг),

Ақниет Тұрдан (-63 кг),

Иоланта Бердібекова (-63 кг),

Зере Бектасқызы (-70 кг),

Мөлдір Нарынова (-70 кг),

Зарина Райфова (-78 кг),

Кәмила Берліқаш ( 78 кг),

Гүлжан Исанова ( 78 кг)

Халықаралық дзюдо федерациясының ережесіне сәйкес «Grand Slam» турнирінің жеңімпазы атанған дзюдошыға әлем рейтингінде 1000 ұпай, күміс жүлдегерге - 700, ал үшінші орын иегеріне 500 ұпайдан қосылады.

Еске сала кетейік, бұдан бұрын қазақстандық дзюдошылардың Мароккодағы Гран-при жарысынан кейін әлемдік рейтингте жоғары көтерілгенін жазған болатынбыз.

Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).