АСТАНА. KAZINFORM — Әбу-Даби қаласында өтіп жатқан дзюдодан әлем чемпионатында құрама үздігі Әбиба Әбужақынова келесі кезеңге өтті.
Жарысты екінші айналымнан бастаған отандасымыз түркиялық Сыла Ерсінді қапы қалдырды.
Ерлерден 60 келі салмақта бозкілемге шыққан Нұрқанат Серікбаев мальталық Джеймс Захранның осал тұсын тапты.
Еске салсақ, бұдан бұрын Ғалия Тынбаева (48 келі) мен Елдос Сметов (60 келі) жарысты жалғастыруға мүмкіндік алғанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.