АСТАНА. ҚазАқпарат - Өзбекстан астанасы Ташкент қаласында өткен дзюдодан әлем чемпионатында Қазақстан құрамасының медальдар кестесінде қай орын алғаны белгілі болды, деп хабарлайды ҚазАқпарат тілшісі.
Дүбірлі додада ел құрамасынан Елдос Сметов (60 келі), Әбиба Абужақынова (48 келі) қола медаль алған болатын.
Медальдар кестесінде қазақстандық дзюдошылар дәл сондай көрсеткішке жеткен Оңтүстік Корея, Нидерланд, Әзербайжанмен бірге 15-18 орындарды өзара бөлісіп тұр.
Медальдар кестесінде Жапония 12 (5 алтын, 4 күміс, 3 қола) медальмен көш басында тұрса, екінші және үшінші орындардағы Бразилияның 4 (2-1-1), Өзбекстанның 2 (2-0-0) медалі бар.
Әлем чемпионатына еліміздің атынан 17 спортшы қатысты. Оның 9-ы ерлер, 8-і әйелдер арасында сынға түсті.
Сондай-ақ, бүгін қазақстандық дзюдошылар командалық сайыста алғашқы айналымда Нидерланд құрамасына 3:4 есебімен жол берді.
Фото: olympic.kz/ Сали Сабиров
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.