АСТАНА. ҚазАқпарат - Дзюдодан Қазақстан құрамасы Кувейтте өтіп жатқан Азия кубогінде 2 «алтын» алды, деп хабарлайды ҚазАқпарат тілшісі.
Кувейтте дзюдодан ерлер мен әйелдер арасында Азия кубогі өтіп жатыр. Жарыстың алғашқы күнінде Қазақстан құрамасы 2 алтын, 2 күміс және 3 қола медаль жеңіп алды.
Ел құрамасынан Ержан Еренғайыпов (60 келі) және Айболат Ыстыбай (66 келі) жеңіс тұғырына көтерілді.
Ал Қанат Сейілхан (60 келі) және Нұрайлым Сәрсенбек (52 келі) күміс алса, Молдаш Кемелбек (66 келі), Болат Біләл (66 келі) және Ислам Тоқтасын (73 келі) үздік үштікті түйіндеді.
Айта кетсек, аталған жарысқа Азияның 27 елінен 150-ден астам татами шебері келді.
Жарыс 29 сәуірде мәресіне жетеді.
Еске салсақ, бұдан бұрын парадзюдошы Ерғали Шамей Азия чемпионы болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.