АСТАНА. KAZINFORM - Словенияда дзюдодан ерлер мен әйелдер арасында Еуропа кубогында қазақстандық Шерзод Давлатов жеңімпаз атанды.
Жарыстың алғашқы күні, 15 маусымда қазақстандық дзюдошы Шерзод Давлатов 60 келіде барлығы 5 кездесу өткізіп, бесеуінде де жеңіске жетті.
Өз тобынан үздік шығып, жартылай финалда Нажи Дэвидті (Венгрия), ал финалда Словения спортшысы Дэвид Старкелден басым түсті.
Айта кетсек, Еуропа кубогіне 29 елден барлығы 324 татами шебері қатысуда.
Айта кетсек, биыл Париж Олимпиадасында Қазақстан намысын қорғайтын дзюдошылар анықталды.
Әйелдерде Абиба Абужақынова (48 келі), Камила Берліқаш (78 келі), Эсмигүл Куюлова (аралас-командалық жарыс) бақ сынаса, ерлерде Елдос Сметов (60 келі), Ғұсман Қырғызбаев (66 келі), Данияр Шамшаев (73 келі), Абылайхан Жұбаназар (81 келі), Нұрлыхан Шархан (100 келі) ел намысын қорғайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.