АСТАНА. ҚазАқпарат - Тунисте өтіп жатқан дзюдодан әлемдік Гран-при кезеңінде Жансай Смағұлов (73 кг) қарсылас шақ келтірмей, жеңіс тұғырының ең биік сатысынан көрінді, деп хабарлайды ҚазАқпарат тілшісі.
Отандасымыз финалда косовалық Акил Кгожаковты ұтып, биылғы жылдың алғашқы Гран-при кезеңінде чемпион атанды.
Жансай Смағұлов ширек финалда Франция елінің намысын қорғаған Акус Бенджаминді жеңсе, жартылай финалда ирандық Мохамед Мохамедиден айласын асырды. Финалда косовалық Акил Кгожаковты иппон әдісімен таза жеңді.
Естеріңізге сала кетейік, кеше жарыстың алғашқы күні қазақстандық дзюдошылар ел қоржынына екі қола медаль салған болатын. Оның бірін 66 келі салмақта ел намысын қорғаған Ерлан Серікжанов жеңіп алса, екіншісін 60 келі салмақта Ғұсман Қырғызбаев қанжығасына байлады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.