АСТАНА. ҚазАқпарат - Әзербайжан астанасы Баку қаласында Grand Slam сериясы бойынша өтіп жатқан турнирде Ғұсман Қырғызбаев қола жұлде үшін сайыста қарсыласына есе жіберіп қойды, деп хабарлайды ҚазАқпарат тілшісі.
Аталған турнирде 66 келіде сынға түскен Ғұсман Қырғызбаев үщінші орын үшін сайыста қарсыласы испандық Давид Торнеге есе жіберіп қойды.
Айта кетсек, аталған жарыста еліміздің атынан 17 балуан құрамаға іліккен. Олардың қатарында ерлерден Бауыржан Нарбаев, Шерзод Давлатов (екеуі де 60 кг), Ғұсман Қырғызбаев, Алмас Ғалымов (екеуі де 66 кг), Данияр Шамшаев (73 кг), Абылайхан Жұбаназар (81 кг), Ермахан Әнуарбеков (90 кг), Ерқанат Молдагұлов (100 кг), Жамбыл Тұрғынәлиев (100 кг-нан жоғары) бар.
Ал, әйелдерде Ғалия Тынбаева (48 кг), Нұрайлым Сәрсенбек (48 кг), Дана Әбдірова (57 кг), Самалай Ерғалиева (63 кг), Есмигүл Куюлова (63 кг), Аруна Жангелдина (78 кг), Назерке Тілеуханова (78 кг), Кәмила Берліқаш (78 кг-нан жоғары) сынға түседі.
Еске салсақ, бұдан бұрын Самат Сәрсенұлы джиу джитсудан әлем чемпионы атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.