АСТАНА. KAZINFORM - Дзюдодан Түркияның Анталья қаласында өтіп жатқан «Үлкен дулыға» турнирінде Әбиба Әбужақынова жартылай финалға өтті.
Халықаралық турнирде 48 келіде сынға түсіп жатқан спортшы ширек финалда АҚШ-тан келген Мария Целиа Лабордпен негізгі уақытта тең түсті. Қосымша golden score кезеңінде қарсыласын қапы қалдырды.
Енді финал жолдамасы үшін Абиба 3 дүркін әлем чемпионы жапониялық Нацуми Цонодамен белдеседі.
Айта кетсе, 29-31 наурызда Түркияның Анталья қаласында дзюдодан өтетін Grand Slam турнирі өтеді. Онда еліміздің атынан ерлер және әйелдер құрамасы бақ сынайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.