АСТАНА. KAZINFORM — Қазақстандық дзюдошы Жалғас Қайролла Әзірбайжанның Баку қаласында өтіп жатқан әлем чемпионатының үшінші айналымына жолдама алды.
81 келіге дейінгі салмақта белдесетін отандасымыз алғашқы екі кездесуінде жеңіске жетіп, ширек финалға шығу үшін бақ сынайды.
Жалғас Қайролла түркиялық Эрман Гюргенді жеңіп, жарысты сәтті бастады. Одан кейін Бахрейн атынан сынға түскен Аскербий Гербековтен басым түсті.
Келесі белдесуде ол сербиялық Михайло Симинмен кездеседі.
Еске салайық, бұған дейін Дзюдошы Шерзод Давлатов әлем чемпионатының күміс жүлдегері атанғанын хабарлағанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.