АСТАНА. ҚазАқпарат – Қазақстандық Ерасыл Қажыбаев Душанбеде дзюдодан өткен Гран-при турнирінің қола жүлдесіне ие болды, деп хабарлайды ҚазАқпарат тілшісі.
Қазақстан дзюдо федерациясының баспасөз қызметінен мәлім еткеніндей, Ерасыл Қажыбаев 100 келіден астам салмақ дәрежесінде жүлдегерлер қатарынан көрінді.
Ерасыл жұбаныш финалында Польша өкілі Каспер Сзуровскиді жеңді.
Осылайша, Ерасыл Қажыбаев Душанбедегі додада Қазақстан қоржынына екінші қола медальді салды.
Бірінші қоланы 66 келіге дейінгі салмақта Сұңғат Жұбатқан жеңіп алған еді.
Еске сала кетейік, бұдан бұрын дзюдошы Сұңғат Жұбатқанның Гран-при турнирінің қола жүлдегері атанғанын жазған едік.
Фото - Қазақстан дзюдо федерациясы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).