НҰР-СҰЛТАН. ҚазАқпарат – Қазақстандық Мағжан Шамшадин Загребте (Хорватия) дзюдодан өтіп жатқан Grand Slam турнирінің жеңімпазы атанды, деп хабарлайды ҚазАқпарат тілшісі.
Қазақстандық дзюдошы 60 келіге дейінгі салмақта үздік шықты.
М.Шамшадин жартылай финалда франциялық Максим Мерлиннен басым түсті.
Финалда кореялық Вон Джин Киммен татамиге шықты. Тартысты өткен белдесу барысында кореялық спортшы үшінші ескерту алып, жеңіс Мағжанға берілді.
Елдос Сметов 66 келіге дейінгі салмақта жұбаныш белдесуінде нидерландылық Иво Верхорстертке есе жіберіп, жарысты жетінші орынмен аяқтады.
Хорватиядағы Grand Slam жарысы 17 шілдеде мәресіне жетеді.
Еске сала кетейік, бұдан бұрын қазақстандық спортшылардың парадзюдодан Гран-при жарысында жеңіске жеткенін жазған болатынбыз.
Фото: olympic.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).