АСТАНА. ҚазАқпарат - Қазақстандық Нұрқанат Серікбаев Өзбекстан астанасы Ташкентте дзюдодан өтіп жатқан әлемдік Grand Slam турнирінің күміс жүлдегері атанды, деп хабарлайды ҚазАқпарат тілшісі.
Н.Серікбаев 60 келіге дейінгі салмақта финалда оңтүстіккореялық Ким Вон Джунге жол берді.
Қазақстан дзюдо федерациясының баспасөз қызметінен мәлім еткеніндей, бұл - тараздық, 20 жастағы Нұрқанат Серікбаевтың ересектер арасындағы алғашқы ірі табысы.
Бұған дейін Нұрқанат 2019 жылы жасөспірімдер арасында әлем чемпионы атанған еді.
Ташкенттегі Grand Slam додасы одан әрі жалғасуда.
Еске сала кетейік, бұдан бұрын Нұрқанат Серікбаевтың әлем чемпионын ұтып, финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).