ЕАЭО бункерлік отын әкелудің ұйғарынды нормаларын белгіледі

АСТАНА. ҚазАқпарат - Еуразиялық экономикалық одақтың кедендік шекарасы арқылы су кемелерімен қор ретінде орналастырылатын бункерлік отын мөлшері егер соңғы бункерге қабылдау сәтінен бастап кемі 30 күн өтсе, өткен кезеңге нақты шығыс туралы мәліметтерді ескеріп, есептелетін болады, деп хабарлады ЕЭК.

 «Су кемесі 30  күн бұрын Одақтың кеден аумағында бункерге қабылдауды жүзеге асырған не  бірде-бір рет жүзеге асырмаған жағдайда дайындалатын қор ретінде декларациялау үшін ұйғарынды мөлшер бункерлік танктердің нақты сыйымдылығы негізінде айқындалады. Бұл шешімді 1 қарашада болған кезекті отырысында Еуразиялық экономикалық комиссия шығарды», - делінген хабарламада.

Комиссия алқасының «Еуразиялық экономикалық одақтың кедендік шекарасы арқылы су кемелерімен орналастырылған бункерлік отынның сандық нормаларын айқындау туралы» №131 шешімімен дайындалатын қор ретінде бункерлік отынды декларациялау кезінде нұсқауға жататын мәліметтердің жабық тізбесін, сондай-ақ сандық нормаларды есептеудің түсінікті алгоритмі айқындалды.

 «Шешім кемемен Одақ аумағынан кеден рәсімдерінсіз және кеден бажын төлемей шығаруға жол беретін бункерлік отын көлемін есептеудің қарапайым, түсінікті тетігін белгілейді», - деді ЕЭК кеден ынтымақтастығы бойынша алқа мүшесі Мұқай Қадырқұлов. - «Шешім нақты қағидалар мен критерийлер болмаған кезде кездескен проблемаларды жояды». М. Қадырқұлов шешім бункерлік отынды әкетуге шектеулер енгізбейтінін атап өтті.