АСТАНА. 13 қаңтар. ҚазАқпарат - 2014 жылы Еуразиялық экономикалық одақ туралы келісім бойынша жұмыстарды аяқтау жоспарлануда. Бұл туралы бүгін ҚР Президенті жанындағы Орталық коммуникациялар қызметіндегі баспасөз мәслихатында ҚР Экономика және бюджеттік жоспарлау вице-министрі Тимур Жақсылықов мәлім етті.
«Бұл - өзінің көлемі бойынша өте ауқымды құжат. Онда 800-ге жуық бет қамтылмақ. Кедендік одақ пен БЭК аясында бекітілген 90-ға тарта халықаралық келісімдер кодификацияланады», - деді Т. Жақсылықов.
Вице-министрдің сөзіне қарағанда, бұл құжат Қазақстанның сыртқы экономикалық саясатының негізін көп жылдарға алдын ала айқындайды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.