«Астананың 2017 жылға ұсынған тақырыбы үлкен қызығушылық тудыратыны анық. Бүгін осы жерде ҚР Үкіметі мен әлемнің энергетика саласының жетекші мамандарының жиналуы ЕХРО-ның маңыздылығын айшықтай түседі», - деді ХКБ бас хатшысы.
Оның атап өтуінше, ЕХРО-2017 халықаралық көрмесін өткізу құқығына үміткер Қазақ елі үшін бұл симпозиумның маңызы зор. Оның басты мақсаты - ғаламшардың назарын Қазақстанның ЕХРО-2017 көрмесіне таңдаған «Болашақ энергиясы» тақырыбына аудару.
«Астана 2017 жылы өткізуге ниет танытып отырған көрме түрлі идеялардың тоғысқан ортасына айналатындығына сенімім мол. РИО 20-дан кейін, яғни 5 жылдан соң өтетін көрме үшін Астана тамаша кезеңге айналуы мүмкін», - деді ол.
Алқалы жиын барысында қатысушылар климаттың өзгеруі, болашақтағы энергия мен экология қауіпсіздігі және баламалы энергия көздерін жетілдіру мен тұрақты дамыту жобаларын қаржыландыру мәселелерін талқылады.