Екі көлік жанып кетті — Оралда гараждан шыққан өрт үйді де шарпыды
ОРАЛ. KAZINFORM – Оралда гаражға қоса өрт үйді де шарпып, екі автокөлік жанып кетті. БҚО Төтенше жағдайлар департаментінің баспасөз қызметінен мәлім еткеніндей, оқиға 21 қаңтар күні «Зачаганский» бау-бақша серіктестігінде болды.
Фото: БҚО ТЖД
«Бейбітшілік көшесі, 36» мекенжайында сағат 05:11-де алдымен 28 шаршы метр аумақта гараж отқа оранды. Содан кейін жалын тұрғын үйге ауысып, 15 шаршы метр қосымша құрылыс, асүй және төбе жақтаулары жанды. Гараждың ішіндегі Seat Alhambra және сыртында тұрған ВАЗ-2110 автокөлігі өртеніп кетті. «Тілсіз жау» сағат 06:26-да оқшауланып, 06.45-те толықтай ауыздықталды. Оқиға орнында 12 адам 4 техникамен жұмыс істеді. Зардап шеккендер жоқ. Қазіргі кезде өрттің шығу себебі, келтірілген шығын анықталу үстінде», - деп хабарлады ведомстводан.
Фото: БҚО ТЖД
Еске сала кетейік, бұдан бұрын Батыс Қазақстан облысында 10 жол бөлігі жабық тұрғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).