Екі облыста көлік қозғалысына уақытша шектеу енгізілді

АСТАНА.KAZINFORM – ҚазАвтоЖол ауа райына байланысты екі облыста көлік қозғалысына шектеу қойылғанын хабарлады.

9 ақпан сағат 22:20-да Қостанай мен Ақмола облыстарында ауа райының бұзылуына байланысты келесі республикалық маңызы бар автожолдарда барлық көлік түрінің қозғалысына шектеу енгізіледі:

Қостанай облысы

– «Жезқазған – Арқалық – Петропавл» автожолының 340-377 шақырым аралығы (Арқалық қаласы – Ақмола облысының шекарасы); 

Ақмола облысы

– «Жезқазған – Арқалық – Петропавл» автожолының 377-440 шақырым аралығы (Қостанай облысының шекарасынан Державинск қаласына дейін). 

Айта кетейік, жолды 2026 жылғы 10 ақпан сағат 09:00-де ашу жоспарланып отыр. 

Еске сала кетейік, бұған дейін Шығыс Қазақстанда тағы бір жол жабылғанын жазған едік.