- Былтырғы мамыр айында Түркістан облысындағы Б. Қонысбаев атындағы шекара өткізу бекетінде есірткіні заңсыз әкелу әрекеті әшкереленген. Тексеру барысында героиннің аяқ киімге арналған крем ретінде рәсімделіп, Еуропа елдеріне транзитке шығарылмақ болғаны анықталды, - деп жазды бақылаушы органнан.
Сот отырысында мемлекеттік айыптаушы шетелдік азаматтардың кінәсін толық дәлелдейтін айғақтар ұсынды.
Қылмыстық істер жөніндегі мамандандырылған ауданаралық сот екі азаматты кінәлі деп танып, 14 жылға бас бостандығынан айыру туралы үкім шығарды.
Үкім заңды күшіне енген жоқ.
Айта кетейік, СҚО-да түрмеге есірткіні дәретхана қағазы арқылы кіргізбек болғаны анықталды.