Екібастұзда үш жасар бала терезеден құлап кетті

ПАВЛОДАР. KAZINFORM - Зардап шеккен жеткіншек ауруханаға жатқызылды. Дәрігерлер оның жағдайы орта ауыр деңгейде екенін хабарлады.

Екібастұз қаласындағы көпқабатты үйлердің бірінен үш жасар бала құлап кетті. 

«Бала үйдің үшінші қабатынан құлаған. Жедел жәрдем бригадасы жеделділіктің бірінші дәрежесі бойынша шығып, төрт минутта оқиға орнында болды. Зардап шегуші Екібастұз қалалық ауруханасына жатқызылды», деп мәлімдеді өңірлік жедел жәрдем стансасынан.

Облыстық денсаулық сақтау басқармасының баспасөз қызметі баланың жағдайы орта ауыр деңгейде, тұрақты деп хабарлады.