Екі қытайлық ғарышқа аттанады
09:40, 16 Қазан 2016
АСТАНА. ҚазАқпарат - Қытайда "Шэньчжоу-11" ғарыш кемесін ұшыру дүйсенбі күніне белгіленді, деп хабарлады Синьхуа мемлекет ақпарат агенттігі.
Ғарышқа ұшатын екі ғарышкер бір айға жуық орбитада болады, бұл Қытай ғарышкерлігіндегі рекордты уақыт.
Би-Би-Сидің хабарлауынша, ұшу алдындағы баспасөз конференциясында ҚХР басқарылатын ғарыштық ұшу бағдарламасының өкілі У Пин ғарыш кемесінің «Тяньгун-2» зертханасымен түйісетінін хабарлады.
Қытайдың ғарыш бағдарламасы 50 жылдан бері жалғасып келеді. 1970 жылы ҚХР өз тарихында алғаш рет жасанды жер серігін ұшырды.
2003 жылы 15 қазанда ғарышкер Ян Ливэй тұңғыш рет «Шэньчжоу-5» кемесінде ғарышқа ұшты. 2008 жылы 27 қыркүйекте ғарышкер Чжай Чжиган ашық ғарышқа сәтті шыға алды.