Ағымдағы жылы байқауға өздерінің шамамен 8,3 мың шығармашылық жұмыстарын ұсынған 470 журналист қатысты. Сыйлық қоры 189 миллион сумға жуық (1 АҚШ доллары - 1859 сум) болды, бұл өткен жылмен салыстырғанда 40 миллион сумға көп.
Байқау қорытындылары бойынша теледидар, радио, баспасөз БАҚ және ғаламтор-журналистикадағы үздік материалдар үшін негізгі және көтермелеу сыйлықтары тапсырылды. Бұдан басқа, Біріккен Ұлттар ұйымының дамыту бағдарламасы, Бүкіләлемдік банк, ЮНЕСКО, «Аймақтық диалог» сияқты бірқатар халықаралық өкілдіктер тілшілерді сондай-ақ арнайы сыйлықтармен марапаттады.
Шетелдік журналистер арасында Қытайдағы «Цзинцзи Жибао» газетінің Ташкенттегі тілшілік қосынының меңгерушісі Ли Чуйфа үздік деп танылды. Бұдан басқа, «Анадолу» ақпараттық агенттігінің меншікті тілшісі Бахтиёр Абдукаримов шетелдік БАҚ-да жарияланған Өзбекстан туралы материалдары үшін екінші орынға лайық деп танылды.