Екі солтүстікқазақстандық облыстың құрметті азаматы атанды
Әкімдіктің баспасөз қызметінің хабарлауынша, облыс әкiмi Ерiк Сұлтанов еңбек ардагерлерiн құттықтай келе, олар үздiксiз еңбектерiнiң арқасында өңiрдi дамытуға үлкен үлес қосқандарын атап өттi.
Жерлестерiмiзге атақ беру шешiмi облыстық маслихаттың 5-шi сессиясының алтыншы шақырылымында қабылданған болатын.
Иван Иванович Қарағанды облысындағы Айнабұлақ астық ұжымшарының бөлiм агрономынан бастап, Булаев ауданының ауыл шаруашылығы басқармасының басшысы қызметiне дейiнгi еңбек жолынан өттi. Сондай-ақ, 7 жылдан астам уақыт ол Солтүстiк Қазақстан облысының Еңбек және жұмыспен қамту комитетiн басқарды.
Қайырлы Едiресұлы өмiрiнiң елу жылын облысқа қызмет жасауға, әлеуметтiк-мәдени саланың өркендеуi үшiн аянбай еңбек етуге арнады. 17 жылдан астам Есiл ауыл шаруашылығы колледжiн басқарды. Содан соң, 8 жыл билiктiң жергiлiктi өкiлдiктi органының басшысы болды. Сондай-ақ, Қайырлы Едiресов Ресей Федерациясының шекаралас өңiрлерiнiң облыстық Думаларымен белсендi ынтымақтасып, сайлау органының статусын көтеру, депутаттық корпустың беделiн арттыру мәселелерiн тиiмдi шештi.
Өңiрiмiздiң белсендi тұрғындарының қуанышты жаңалығымен бөлiсуге туыс-туғандары, әрiптестерi, еңбек ардагерлерi келдi.