Екі жасар бала теплоходтан құлап, ажал құшты
09:22, 18 Қыркүйек 2015
АСТАНА. ҚазАқпарат - Вологодская облысының Великоустюг ауданында екі жасар баланың қаза болу фактісімен тергеу алдындағы тексеру жұмыстары жүргізілуде, деп хабарлайды РФ ТК Тергеу басқармасының аймақ бойынша баспасөз қызметінен.
Қайғылы оқиға ағымдағы жылдың 16 қыркүйегінде күндізгі сағат төрттің шамасында Вытегра елді мекенінде орын алған. «Икша» теплоходында жұмыс істеген отбасылық жұп баласына қарамауы салдарынан ол борттан құлап кеткен. Баланың жоғалғанын байқап, оны судан алып шыққанымен, ажалдан алып қала алмады - бала суға тұншығып көз жұмды.