Екі жыл бойы жеңіліп көрмеген «Бавария» қорғаушысы Гиннестің рекордтар кітабына енді

АСТАНА. ҚазАқпарат - Германия құрамасының сапында өнер көрсететін шыққан тегі ганалық қорғаушы Джером Боатенгті мюнхендік клубтың бойтұмары деуге болады. Ол алаңға шыққан матчтарда «Бавария» екі жыл бойы ішкі біріншілікте жеңіліп көрмеген.

Бұл серия 2012 жылғы 3 қарашада басталып, 2014 жылғы 19 желтоқсанға дейін жалғасты. Матчтардың жалпы саны -56. Қорғаушы осыған орай Гиннестің рекордтар кітабынан арнайы сертификат алды.

Боатенг «Бавария» сапында 2011 жылдан бері өнер көрсетеді. Бұған дейін ол «Герта», «Гамбург» және «Манчестер Сити» командаларында ойнаған.

Джером Боатенг 2014 жылы Германия құрамасының сапында әлем чемпионы атанды.