АСТАНА. ҚазАқпарат – Елордалық «Атамның аманаты» қоғамдық бірлестігі екінші дүниежүзілік соғыста майданда қаза тапқан 200-ден астам сарбаздың туыстарын іздеуде, деп хабарлайды ҚазАқпарат тілшісі.
«Біз жауынгерлердің ұрпақтарын іздейміз! Таратуларыңызды сұраймыз! Олардың жерленген орындары белгілі. Іздеу жұмыстарын «Atamnyn Amanaty» қоғам бірлестігі жүргізеді. Аты-жөндері, ауыл-аймақтардың аттары бұрмаланып жазылуы да мүмкін. Атаңыздың аты-жөні тізімде болса, бізге міндетті түрде хабарласыңыз», - деп жазды ұйым Instagram желісіндегі ресми парақшасында.
Ұйым жариялаған тізімде 218 есім бар.
Атап өтілгендей, фамилияларда, атауларда, жер атауларында бұрмаланулар болуы мүмкін.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.