19:36, 24 Қазан 2023

Екінші күннің қорытындысы: Қазақстандық спортшылар дзюдодан Азия пара ойындарында 2 алтын, 1 күміс, 3 қол алды

Осы күндері Қытайдың Ханчжоу қаласында IV Азия пара ойындары өтіп жатыр. Екінші жарыс күнінің қорытындысы бойынша Қазақстан командасы 6 медаль жеңіп алды, оның ішінде 2 – алтын, 1 – күміс және 3 – қола, деп хабарлайды Kazinform.

Фото: Туризм және спорт министрлігі

Туризм және спорт министрлігінің мәліметінше, пара дзюдодан Қазақстан құрамасы жалпы командалық есепте екінші орынға жайғасты.

Алтын медальді Ерғали Шамей (J1 санаты) және Олжас Оразәліұлы (J2 санаты) жеңіп алды. Ал күміс медаль иегері - Асылан Нұрдәулетов (J1 санаты). Қола жүлде Динара Куджулова (J1 санаты), Бауыржан Арыстанбеков (J1 санаты) және Даяна Федосова (J2 санаты) сынды спортшылардың еншісінде.

«Біздің пара дзюдошылар бүгін керемет нәтиже көрсетті! Спортшыларды, жанкүйерлерді және, әрине, команданың жаттықтырушылар штабын осы жетістікпен құттықтаймын. Бүкіл еліміз дзюдошыларымызды мақтан тұтады», - деді ҚР Туризм және спорт министрі Ермек Маржықпаев.

Айта кетейік, пара дзюдо бойынша жарыстар 26 қазанға дейін жалғасады.

Азия ойындары Параспорт Қытай

Асхат Райқұл

М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған. 2022 жылдан бері - ҚазАқпарат агенттігінің шығарушы редакторы.