ОРАЛ. 26 қараша. ҚазАқпарат /Елжан Ералы/ - ЕҚЫҰ Саммитінің Астанада өтуі - әлемнің Елбасына, Қазақстанға деген сенімі. Бұл туралы М.Өтемісұлы атындағы Батыс Қазақстан мемлекеттік университетінің тарих факультетінде «ЕҚЫҰ-ға төрағалық - Қазақстанның демократиялық дамуындағы жаңа серпін» деген тақырыпта өткізілген дөңгелек үстел отырысында айтылды.
Дүниежүзілік тарих және әлеуметтік-саяси пәндер кафедрасының оқытушысы Тұрар Шайхиевтің атап өткеніндей, Астана Саммиті - теңдесі жоқ тарихи оқиға. Бұл Қазақстанның әлемдегі рөлі күн сайып артып келе жатқанын, Елбасымыз Нұрсұлтан Назарбаевтың беделі зор екендігін білдіреді.
Дөңгелек үстел басында кафедра оқытушылары Әлия Кенжеғұлова, Эльвира Хабиевалармен қатар студенттер, қоғамдық ұйымдар өкілдері өз пікірлерін білдіріп, мұндай халықаралық деңгейдегі жиынды сәтті өткізу еліміз үшін абырой екендігін атап көрсетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).