АСТАНА. KAZINFORM - Бокстан Қазақстан чемпионатында Ләззат Күнгейбаева (81 келі) жартылай финалға шықты.
Ол ширек финалда Түркістан облысынан келген Гүлсезім Садықовамен шаршы алаңға шыққан еді. Бірінші раундта Ләззат қарсыласын екі мәрте нокдаунға жіберіп, техникалық нокаутпен жеңіске жетті.
Осылайша ол ел біріншілігінің жартылай финалына жолдама алды.
Айта кетсек, Ләззат Күнгейбаева 2016 жылғы әлем чемпионы, екі мәрте әлем чемпионатында (2014, 2023) күміс жүлдеге қол созды. Ал 2021 жылы Азия чемпионы болса, Қазақстан біріншілігінің бірнеше дүркін жеңімпазы атанды.
Еске салсақ, бұдан бұрын Қарағанды қаласында өтіп жатқан бокстан ересектер арасындағы Қазақстан чемпионатының төртінші жарыс күні аяқталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.