Жоғары деңгейдегі келіссөздер барысында саяси, сауда-экономикалық, инвестициялық және мәдени-гуманитарлық салалардағы екіжақты ынтымақтастықтың кең ауқымды мәселелері талқыланады.
Сапар бағдарламасында екі ел басшылары деңгейдегі Жоғары мемлекетаралық кеңестің үшінші отырысын өткізу жоспарланған, оның аясында Қазақстан-Қырғызстан стратегиялық әріптестігі бағыттарының болашағы талқыланады.
Келіссөздер нәтижесінде дипломатиялық қарым-қатынастардың орнағанына 20 жыл толуына және өзара мүдделерге бағытталған басқа да екіжақты құжаттарға орайластырылған Қазақстан Республикасы мен Қырғыз Республикасы арасындағы стратегиялық әріптестік пен одақтық қарым-қатынастарды тереңдету туралы мерейтойлық Декларацияға қол қою көзделген.