ОРАЛ. Ақпанның 12-сі. ҚазАқпарат /Елжан Ералы/ - Елбасы Жолдауы жастарға да жауапкершілік жүктейді.
Бұл туралы БҚО-ның Шыңғырлау ауданы әкімі аппаратының бас маманы Гүлдана Әргенова мәлім етті, деп хабарлайды ҚазАқпарат тілшісі.
Оның айтуынша, студенттер шәкіртақысының көбейіп, «Жастар тәжірибесінің» алдағы уақытта да жалғасатыны - жастар үшін үлкен қуаныш. Бұл сол жастардың аяғынан тік тұрып кетуіне септесуімен қатар олардың еліміздің әлеуметтік-экономикалық тұрғыдан ілгерілеуіне үлес қосуына мүмкіндік береді. «ХХІ ғасыр - білімді, талантты, әлемнің, елдің және өз отбасының тағдыры үшін жауапкершілікті мойнына ала білетін жастардың дәуірі екендігі дау туғызбайтын ақиқат болса керек. Ендеше, Қазақстанды дамыған елдер қатарына қосу міндетінен жастар да шет қала алмайды, қайта соның нақ ортасында болады», дейді жас маман.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).