ОРАЛ. 11 мамыр. ҚазАқпарат - Елбасы Нұрсұлтан Назарбаев жұмыс сапарымен Батыс Қазақстан облысына келді.
Президент алдымен Теректі ауданы Пойма стансасындағы өсімдік майын өндіретін «Батыс Күнбағыс» АҚ-да болады. Одан кейін, «Батыс Қазақстан машина жасау компаниясы» АҚ-ның жаңа өнімдерімен таныспақ.
Сапарының екінші күні Елбасы «Оралагрореммаш» АҚ-да болып, өңірдегі үдемелі индустриялық-инновациялық даму бағдарламасына сәйкес жүзеге асырылып жатқан инвестициялық жобалар барысына қанығып, облыс кәсіпкерлерімен кездеспек. Одан кейін, Оралда бой көтеріп жатқан Назарбаев Зияткерлік мектебіне ат басын тіремек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).