ҚЫЗЫЛОРДА. ҚазАқпарат- «Нұр Отан» партиясы облыстық филиалының төрағасы, облыс әкімі Қырымбек Көшербаев жас ертегіші Алтынай Берікті қабылдады, деп хабарлайды ҚазАқпарат тілшісі.
Алтынай Қызылорда қаласында тұрады. Көпбалалы отбасындағы жеті баланың екіншісі. Әкесі қарапайым жұмысшы. Анасы бала тәрбиесімен айналысады. Ол қазір №267 мектептің 5-сыныбында оқиды.
Ол 40-қа жуық ертегінің авторы. «Ақ көжек», «Мөлдір бұлақ», «Қызыл қораз», «Түйе», «Қамқорлық» сынды туындыларымен түрлі республикалық байқауларда топ жарған. Ол қиял-ғажайыпқа толы әңгімелерді 7 жасынан бастап жазыпты. Бұдан бөлек түрлі тақырыптағы өлеңдері мен әңгімелері бар. Алтынай «Ұқпасқа айтқан сөз жетім» атты ертегісімен ең жас автор ретінде «Менің ғажайып ертегім» кітабына енген.
Елбасы Нұрсұлтан Әбішұлы Назарбаев Алтынайға өзінің «Еуразия жүрегінде» атты кітабын сыйға тартқан еді .
Қабылдауында болған өнерлі балғынға Қырымбек Көшербаев шығармашылық өрлеу тілеп, өз ризашылығын білдірді.
Және Алтынайдың барлық туындыларды жинақтап, ертегілер кітабын шығару өтінішіне сәйкес «Нұр Отан» партиясы облыстық филиалы атынан қаржылай көмек көрсетілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).