- Елімізде инсульт орталықтарының желісі қарқынды дамып келеді. Қазіргі уақытта заманауи жабдықталған 85 орталық қажеттілікті толық қамтиды. Инфаркт кезінде уақыт жоғалтпай «алтын сағат» қағидатын ұстануға мүмкіндік беретін 48 коронография орталығы жұмыс істеп тұр. Осындай орталықтар Мемлекет басшысының тапсырмасымен іске асырылып жатқан «Ауылдық медицинаны жаңғырту» Ұлттық жобасы аясындағы 32 ауданаралық аурухананың жанында да ашылып жатыр (11 инсульттік, 7 коронография орталықтары), - деді А.Әлназарова.
Оның айтуынша, еліміздегі ауруханалардағы 98 мың төсек орынның 12 мыңы тек оңалтуға арналған, бұл жалпы қордың 13%-ы. Оңалту қызметінің сапасын жақсарту бағытында оңалту стандарттары жаңартылып, клиникаларға қойылатын талаптар күшейтілді.
Бұдан бұрын хабарланғандай, биыл инклюзивті жұмыспен қамту мүмкіндігі кеңейтіледі.