Елдос Сметов бастаған дзюдошылар Азия чемпионатында бақ сынайды

АСТАНА. KAZINFORM — Дзюдодан 20-22 сәуір аралығында Гонконгта өтетін XXXII Азия чемпионатында ел намысын 18 спортшы қорғайды.

Спортты дамыту дирекциясынан мәлім еткеніндей, бұған дейін 2022 жылы Азия чемпионаты елорда төрінде ұйымдастырылып, онда отандастарымыз 1 алтын, 2 күміс, 6 қола еншілеген еді.

Әсіресе, 73 келіде Данияр Шамшаев қарсылас шақ келтірмеген болатын.

Бұл жолы Азия біріншілігінде мына спортшылар бақ сынайды.

Ерлер:

60 келі. Елдос Сметов, Нұрқанат Серікбаев,

66 келі. Ғұсман Қырғызбаев, Жанарыс Рахметқали,

73 келі. Данияр Шамшаев, Асқар Нарқұлов,

81 келі. Абылайхан Жұбаназар,

100 келі. Нұрлыхан Шархан,

+ 100 келі. Ерасыл Қажыбаев.

Әйелдер:

48 келі. Әбиба Әбужақынова, Ғалия Тынбаева,

57 келі. Бақыт Құсақбаева,

63 келі. Эсмигуль Куюлова,

70 келі. Екатерина Токарева,

78 келі. Маргарита Гриценко, Аруна Жангелдина,

+ 78 келі. Кәмила Берліқаш, Ақерке Рамазанова.

Азия чемпионатында 1-орынға — 700 ұпай, күміс жүлдегерге — 490 ұпай, қола медаль алғандарға 350 ұпай беріледі.

Айта кетейік, Қазақстан құрамасы 1993 жылдан бері Азия чемпионатына қатысып, 14 алтын, 24 күміс, 77 қола жеңіп алған.