АСТАНА. KAZINFORM – 2-4 ақпан күндері Франция астанасы Парижде әлемдік Grand Slam турнирі өтеді.
Қазақстан дзюдо федерациясының баспасөз қызметінен мәлім еткеніндей, аталған бәсекеге 110 елден 661 спортшы қатысады деп жоспарланған.
JudoParis жарысында ел намысын Қазақстан ерлер құрамасы қорғайды.
Парижде 14 спортшы бақ сынамақ:
Елдос Сметов (-60 кг),
Нұрқанат Серікбаев (-60 кг),
Ғұсман Қырғызбаев (-66 кг),
Есет Қуанов (-66 кг),
Асқар Нарқұлов (-73 кг),
Данияр Шамшаев (-73 кг),
Абылайхан Жұбаназар (-81 кг),
Руслан Мұсаев (-81 кг),
Айдар Арапов (-90 кг),
Ермахан Әнуарбеков (-90 кг),
Нұрлыхан Шархан (-100 кг),
Бекзат Шағатаев (-100 кг),
Ғалымжан Қырықбай ( 100 кг),
Ерасыл Қажыбаев ( 100 кг).
Бұл айтулы додаға Қазақстан әйелдер құрамасы қатыспайды.
Айта кетейік, Халықаралық дзюдо федерациясының (IJF) ережесі бойынша Grand Slam турнирінің чемпиондары – 1000, күміс жүлдегерлер – 700, үздік үштікке іліккендер 500 рейтингілік ұпайға ие болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).