ОРАЛ. ҚазАқпарат – Дзюдодан Қазақстан құрамасы әлемдік Masters додасына қатысады, деп хабарлайды ҚазАқпарат тілшісі.
Қазақстан дзюдо федерациясынан мәлім еткеніндей, айтулы жарыс 11-13 қаңтарда Дохада (Катар) өтеді.
Masters турниріне ТОП-36-ға енген спортшылар шақырылды.
Қазақстаннан жеті дзюдошы ел намысын қорғайды:
Елдос Сметов (60 кг)
Ғұсман Қырғызбаев (60 кг)
Елдос Жұмақанов (66 кг)
Ерлан Серікжанов (66 кг)
Жансай Смағұлов (73 кг)
Дидар Хамза (81 кг)
Ислам Бозбаев (90 кг.
Еске сала кетейік, бұдан бұрын Ақтауда дзюдодан Қазақстан чемпионаты мәреге жеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).