Электр пойызы үш адамды қағып кетті

АСТАНА. ҚазАқпарат - Адыгейде электр пойызы үш адамды қағып кетті, олардың бірі ажал құшты, деп хабарлайды Ресей ІІМ көлік басқармасынан.

Полицияның мәліметтеріне қарағанда, Западный кенті маңында (Адыгей) электр пойызы зираттан қайтып келе жатқан үш адамды іліп кеткен.

«Жергілікті тұрғындар »Майкоп-Белореченск» бағытында келе жатқан пойыздың алдын кесіп өтпек болған», деп хабарлады ведомостводан.

Машинист пойызды шұғыл тоқтатуға әрекет жасаған, бірақ үлгере алмады. Апат салдарынан оқиға орнында бір әйел қаза тапты, жарақаттанған екі адам ауруханаға жеткізілді, деп хабарлайды ИТАР-ТАСС.