АСТАНА. KAZINFORM — Қазақстанның бірінші, әлемнің 4-ракеткасы Елена Рыбакина АҚШ-та Индиан-Уэллс WTA 1000 турнирі қарсаңында алғашқы жаттығуын өткізді.
Индиан-Уэллсте 6-17 наурыз аралығында ерлер мен әйелдер арасында өтетін аталмыш мастерс жарысының жалпы жүлде қоры 17,9 млн АҚШ доллары болмақ. Бұл өткен жылғыдан 2,2 пайызға көп.
Турнир жеңімпазы 1 мың рейтингілік ұпайға қоса 1,1 млн доллар табыс таппақ. Финалистің үлесіне 585 мың доллар мен 650 рейтингілік ұпай тиеді.
Өткен жылы соңғы бәсекеде Беларусь өкілі Арина Соболенконы 7:6 (13:11), 6:4 есебімен ұтқан Е.Рыбакина чемпион атанған болатын. Биыл Елена сол чемпиондық атағын қорғау үшін бар күшін салады.
Қазіргі кезде Индиан-Уэллсте іріктеу сайыстары өтіп жатыр.
Еске сала кетейік, бұдан бұрын Александр Бубликтің алғаш рет әлемнің 20-ракеткасы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).