Қазақстанның бірінші, әлемнің 4-ракеткасы Елена Рыбакина жылдың қорытындысы бойынша әлемдегі үздік теннисші атануға үміткерлер қатарына кірді, деп хабарлайды Kazinform.
Әйелдер теннисі қауымдастығы (WTA) маусым соңында жыл сайын берілетін аталымдарға үміткерлер тізімін жариялады.
Аталымдар бойынша жыл үздіктерін халықаралық теннис БАҚ-тарының өкілдері анықтайды.
Жекелей сында жыл теннисшісі:
Ига Швентек (Польша);
Арина Соболенко (Беларусь);
Кори Гауфф (АҚШ);
Джессика Пегула (АҚШ);
Елена Рыбакина (Қазақстан);
Маркета Вондроушова (Чехия).
Жұптық сында жыл дуэті:
Кори Гауфф/Джессика Пегула (екеуі де – АҚШ);
Сторм Хантер (Аустралия)/Элисе Мертенс (Бельгия);
Барбора Крейчикова/Катержина Синякова (Чехия);
Габриэла Дабровски (Канада)/Эрин Рутлифф (Жаңа Зеландия);
Лаура Зигемунд (Германия)/Вера Звонарева (Ресей).
Сонымен қатар «Жыл серпілісі», «Жыл жаңалығы» аталымдары бойынша да үздіктер анықталатын болады.
Еске сала кетейік, бұдан бұрын Бейбіт Жұқаевтың әлемдік рейтингте жеке рекордын жаңартқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).