АСТАНА. KAZINFORM – Бүгін Дохада (Қатар) әйелдер арасында WTA 1000 турнирі басталады. Қазақстанның көшбасшы теннисшісі Елена Рыбакина Дохада үшінші ракетка болып тіркелген.
Жарысты екінші айналымнан бастайтын Е.Рыбакина әлемнің 46-ракеткасы, франциялық Варвара Грачева немесе рейтингіде 57-орындағы қытайлық Чжу Линьнің қай жеңгенімен кездеседі.
Доха додасы 17 ақпанда мәресіне жетеді.
Қазақстандық теннисші бүгін Әбу-Дабиде әлемнің 14-ракеткасы, ресейлік Дарья Касаткинамен финалдық матчын өткізеді.
Қазақстанның ерлер арасындағы бірінші, әлемнің 23-ракеткасы Александр Бублик 12-18 ақпан аралығында өтетін Роттердам (Нидерланд) ATP 500 жарысында бақ сынайды.
Доданың 8-ракеткасы болып тіркелген А.Бублик алғашқы айналымда әлемнің 31-ракеткасы, хорватиялық Борна Чоричпен шеберлік байқасады. Жуырда қазақстандық теннисші Б.Чоричті Монпелье (Франция) ATP 250 турнирінің финалында 5:7, 6:2, 6:3 есебімен жеңген еді.
Еске сала кетейік, бұдан бұрын Елена Рыбакинаның Әбу-Дабиде чемпиондық атақ үшін таласатынын жазған болатынбыз.
Сондай-ақ Дмитрий Попко АҚШ-тағы жарыстың финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).