АСТАНА. KAZINFORM — Қазақстанның бірінші, әлемнің 2-ракеткасы Елена Рыбакина Торонто (Канада) WTA 1000 турнирінің төртінші айналымына шықты.
Қазақстандық теннисші үшінші айналымда әлемнің 31-ракеткасы, америкалық Энн Лимен шеберлік байқасты.
Бұл қос спортшының өзара алғашқы кездесуі еді.
Бірінші сетте Елена бірден 2:0, 4:1 есебімен алға кетті. Бұдан кейін америкалық теннисші есепті қысқартқанымен, Рыбакина дегеніне жетті — 6:2.
Екінші сетте есеп 4:3 болған мезетте Ли брейк жасай білді — 5:3. Дегенмен бұдан кейін Елена қатарынан төрт геймді алды — 7:5.
Бір сағат 28 минутқа созылған бәсеке барысында Рыбакина 2 эйспен бірге 6 брейк-пойнттың бесеуін өз есебіне жазды. Ли 2 брейкпен (4 брейк-пойнт) шектелді.
Елена Рыбакина ширек финалға шығу үшін әлемнің 55-ракеткасы, ресейлік Людмила Самсонова немесе рейтингіде 75-орындағы аустралиялық Майя Джойнттың қай жеңгенімен таласады.
Еске сала кетейік, бұдан бұрын Соня Жиенбаеваның Испаниядағы жарыстың жартылай финалына жолдама алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).