Елена Рыбакина US Open турниріне киіп шығатын киім үлгісін көрсетті
АСТАНА. KAZINFORM – Қазақстанның бірінші, әлемнің 4-ракеткасы Елена Рыбакина АҚШ ашық чемпионатына ойнауға арналған киім үлгісін көпке жария етті.
Фото: yonex.com
Қазақстандық теннисші осыған дейін Цинциннати (АҚШ) WTA 1 000 турнирінде өнер көрсетіп, үшінші айналымға шыға алмаған еді.
Онда әлемнің 27-ракеткасы, канадалық Лейла Фернандеске жол берген болатын – 6:3, 6:7 (3:7), 4:6.
Осы жеңіліске қарамастан, Рыбакина биыл WTA 1 000 жарыстарында виннерс санын 600-ден асырып, екінші орында келеді.
Алдағы АҚШ чемпионаты 26 тамыз – 8 қыркүйек аралығында өтеді. Өткен жылы мұнда америкалық Кори Гауфф үздік шыққан болатын.
Фото: yonex.com
US Open теннис тарихында ең жүлде қоры көп турнир болмақ. Ойыншылар 75 млн АҚШ долларын табады, бұл өткен жылғыдан 15 пайызға көп.
Аталмыш «Үлкен дулыға» жарысына Қазақстаннан әйелдер арасында жекелей сында Рыбакинамен бірге Юлия Путинцева қатысады.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).