Елена Рыбакина WTA чемпиондық кестесінде көш бастап келеді

АСТАНА. KAZINFORM — Әйелдер теннисі қауымдастығының (WTA) чемпиондық кестесінде қазақстандық теннисші Елена Рыбакинаның орны өзгерген жоқ.

Биыл Аустралия ашық чемпионатында үздік шыққан Е.Рыбакина 2 443 ұпаймен бұрынғыша көш бастап келеді. 

Америкалық Джессика Пегула 1 975 ұпаймен екінші орында болса, Беларусь өкілі Арина Соболенко (1800) үздік үштікті түйіндеп тұр. 

Бүгін жаңартылған WTA жекелей рейтингісінде Е.Рыбакина 7 253 ұпаймен үшінші орында қалды. Рейтингіде 10 675 ұпаймен А.Соболенко алда келе жатса, Польша өкілі Ига Швентек (7 588) екінші сатыда. 

Қазіргі кезде іріктеу сайысы өтіп жатқан Индиан-Уэллс (АҚШ) мастерс турнирінде Е.Рыбакина сәтті өнер көрсетсе, И.Швентекті басып озуы ықтимал. 

Әлемдік рейтингіде Юлия Путинцева 77-ден 76-ға жоғарылады.

Жұптық сында Анна Данилина 6-дан 7-ге сырғыса, Жібек Құламбаева — 140, Ю.Путинцева 156-орында тұрақтады.

Ерлер арасында ATP рейтингісінде Александр Бублик 10-орында қалса, Александр Шевченко 92-ден 88-ге, Тимофей Скатов 192-ден 191-ге көтерілді. 

Еске сала кетейік, бұдан бұрын теннистен Дубай турниріне келген 40-тан астам адамның қайта алмай отырғанын жазған едік.