АСТАНА. KAZINFORM — Қазақстанның және әлемнің бірінші ракеткасы Елена Рыбакина Токио (Жапония) WTA 500 турнирінің жартылай финалына шыға алмады.
Жарыстың 1-ракеткасы болып тіркелген қазақстандық теннисші ширек финалда әлемдік рейтингіде 23-орындағы канадалық Лейла Фернандеспен ойнауы тиіс еді.
Алайда Е.Рыбакина бәсеке алдында жарақаты бар екендігін мәлімдеп, матчқа қатысудан бас тартты.
Өткен аптада қазақстандық спортшы Нинбо (Қытай) WTA 500 додасының финалында Л.Фернандесті 6:2, 6:2 есебімен жеңген еді.
Осылайша, Л.Фернандес ойнамастан жартылай финалға жолдама алды. Ол финалға шығу үшін әлемнің 66-ракеткасы, өзбекстандық, түбі ресейлік Камилла Рахимовамен таласады.
К.Рахимова ширек финалда рейтингіде 94-сатыдағы аустралиялық Майя Джойнтты қапы қалдырды – 7:5, 5:7, 6:1.
Еске сала кетейік, бұдан бұрын Токио турнирінде Путинцеваны жеңген Рыбакинаның ширек финалға шыққанын жазған едік.
Сондай-ақ Елена Рыбакина жылды әлемнің бірінші ракеткасы ретінде аяқтайтыны өзі үшін үлкен қуаныш екендігін айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).