Жарыстың 3-ракеткасы болып тіркеліп, додаға екінші айналымнан қосылған қазақстандық теннисші кезінде дүниежүзілік рейтингте көш бастаған, қазіргі уақытта 20-орында тұрған чехиялық Каролина Плишковамен шеберлік байқасты.
Осыған дейін қарсыластар екі мәрте кездесіп, екеуінде де Е.Рыбакина басым түскен еді.
Бұл жолы Елена бірден брейк жасады – 1:0. Сет біткенше, сол қарқынынан айырылған жоқ – 6:4.
Екінші партияда да қазақстандық теннисші брейкпен алға шықты – 3:1. Сосын есепті 5:1-ге жеткізді. Ақыры матчты эйспен бітірді – 6:2.
Бір сағат 10 минутқа созылған бәсеке барысында Е.Рыбакина 3 эйс жасап, 8 брейк-пойнттың үшеуін мүлт жіберген жоқ. Қарсыласы 8 эйспен көзге түсті.
Елена Рыбакина жартылай финалға шығу үшін әлемнің 14-ракеткасы, бразилиялық Беатрис Хаддад Майя немесе тағы бір қазақстандық, рейтингте 45-орындағы Юлия Путинцеваның біреуімен таласады.
Еске сала кетейік, бұдан бұрын Юлия Путинцеваның Әбу-Дабиде АҚШ чемпионын ұтқанын жазған болатынбыз.
Александр Бублик Монпелье турнирінде жеңіліп қалды.
Қазақстандық жас теннисшілер әлемдік рейтингте позициясын жақсартты.