НҰР-СҰЛТАН. ҚазАқпарат – Қазақстанның бірінші ракеткасы Елена Рыбакина әлемдегі үздік жиырма теннисшінің қатарына қайта енді, деп хабарлайды ҚазАқпарат тілшісі.
Әйелдер теннис қауымдастығының (WTA) жаңартылған рейтингісінде Е.Рыбакина 21-ден 20-орынға көтерілді.
Юлия Путинцева 42-ден 43-ке сырғыса, Зарина Дияс 101-сатыда қалды.
Дүниежүзілік рейтингте аустралиялық Эшли Барти бұрынғыша көш бастаса, жапониялық Наоми Осака екінші, румыниялық Симона Халеп үшінші орында келеді.
Ерлер арасында Кәсіпқой теннисшілер қауымдастығы (ATP) рейтингісінде Қазақстанның бірінші ракеткасы Александр Бублик те 39-дан 38-сатыға, Михаил Кукушкин 106-дан 105-ке жоғарылады. Дмитрий Попко 187-орында тұр.
Үздік үштікте – сербиялық Новак Джокович, ресейлік Даниил Медведев, испаниялық Рафаэль Надаль.
Еске сала кетейік, бұдан бұрын қазақстандық жас теннисшінің Украинада өткен турнирдің жеңімпазы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).