АСТАНА. ҚазАқпарат – Қазақстанның бірінші, әлемнің 3-ракеткасы Елена Рыбакинаның Уимблдон турнирінің ширек финалындағы қарсыласы анықталды, деп хабарлайды ҚазАқпарат тілшісі.
Әлемнің 6-ракеткасы, тунистік Онс Жабер төртінші айналымда дүниежүзілік рейтингте 9-орында тұрған чехиялық Петра Квитованы оңай жеңді.
Бірінші партияда тунистік спортшы қарсыласына еш мүмкіндік қалдырмады – 6:0. Екінші сет те оның басымдылығымен өтті – 6:3.
Осылайша, ширек финалда О.Жабер мен Е.Рыбакина кездесетін болды.
Өткен жылы Уимблдонда соңғы бәсекеде Елена Рыбакина Онс Жаберді 3:6, 6:2, 6:2 есебімен қапы қалдырып, чемпион атанған еді.
Қазақстандық және тунистік спортшы осыған дейін өзара төрт мәрте ойнаған. Есеп тең – 2:2.
Е.Рыбакина – О.Жабер матчы 12 шілде күні орталық кортта өтетін болады.
Еске сала кетейік, бұдан бұрын Михаил Кукушкиннің АҚШ-тағы жарыстың финалында есе жібергенін жазған болатынбыз.
Сондай-ақ Елена Рыбакинаның Уимблдонның алдағы ойындарындағы мүмкіндігіне болжам жасалды.
Елена Рыбакина және Анна Данилина Уимблдонның ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).